اسلام آباد(روشن پاکستان نیوز) سینیئر سیاستدان فیصل واوڈا نے کہا کہ میں سمجھتا ہوں کہ مذاکرات 20 جنوری کے بعد ہوں گے، ابھی تو مذاق ہورہا ہے، حکومت اور پی ٹی آئی دونوں چاہتے ہیں کہ بانی پی ٹی آئی جیل میں رہیں تو معاملات طے کون کرے گا، 20 تاریخ کے بعد پی ٹی آئی لیٹ کر اور حکومت اکڑ کر مذاکرات کرے گی۔
سابق وفاقی وزیر فیصل واوڈا نے کہا کہ پہلے فارم 47 کی حکومت کہتے تھے اب ان سے بات کررہے ہیں، بانی پی ٹی آئی کو سزا ہوئی تو پھر برا کہنا شروع کردیں گے۔
مزید پڑھیں: آرمی چیف کی بیرسٹر گوہر اور علی امین گنڈاپور سے بات چیت سیکیورٹی معاملات کے تناظر میں ہوئی، سیکیورٹی ذرائع
فیصل واوڈا نے کہا کہ آرمی چیف سے ملاقات سے متعلق جھوٹ بولا جارہا ہے، حسب ضرورت کسی کو اچھا اور کسی کو برا کہنا درست نہیں، یہ نہیں ہوسکا کہ اندر پاؤں پڑوں اور باہر آکر گالی دوں، آرمی چیف اور بیرسٹرگوہر ملاقات کسی کے لیے باعث پریشانی نہیں۔
