اسلام آباد (روشن پاکستان نیوز) وزیر اعلیٰ پنجاب مریم نواز نے کہا ہے کہ حق اور سچ کی آواز اٹھانے والے صحافیوں پر ظلم و تشدد بند ہونا چاہیے۔
وزیر اعلیٰ پنجاب کا صحافیوں کے خلاف جرائم کے خاتمے کے عالمی دن کے موقع پر اپنے پیغام میں کہا کہ
مقبوضہ کشمیر، فلسطین اوردنیا بھرمیں صحافیوں پر تشدد قابل مذمت ہے ۔
انہوں نے کہا کہ احساس ذمہ داری کے ساتھ آزادی صحافت جمہوریت کی اساس ہے اورمضبوط جمہوری معاشرے کے لیے آزاد صحافت کا ہونا ضروری ہے۔
انہوں نے مزید کہا کہ صحافی معاشرتی انصاف کے محافظ اور عوام کی آواز ہیں، ظلم، ناانصافی اور جھوٹ کو بے نقاب کرنے والے صحافی قابل تحسین کے حق دارہیں۔
مزید پڑھیں: امریکی اراکین کانگریس کا عمران خان کیلئے خط ملکی معاملات میں مداخلت قرار
انہوں نے کہا کہ بحیثیت وزیر اعلیٰ آزادی صحافت کے تحفظ کی ضامن وداعی ہوں اور صحافیوں کے حقوق کے تحفظ کے لیے اقدام حکومت کا فرض ہے اور ہربندے کو اپنی چھت کا خواب پورا کرنے کے لیے پرعزم ہیں۔
