اسلام آباد(روشن پاکستان نیوز) جج کے خلاف سوشل میڈیا مہم چلانے پر وفاقی تحقیقاتی ادارے نے 8 افراد کے خلاف مقدمہ درج کر لیا۔
سائبر کرائم نے جج کے بھتیجے احمد صدیق کی مدعیت میں پیکا ایکٹ کے تحت مشیر اینٹی کرپشن خیبر پختونخوا مصدق عباسی سمیت 8 افراد کے خلاف مقدمہ درج کیا ہے۔
مدعی مقدمہ کے مطابق ملزمان نے سوشل میڈیا کے ذریعے میرے چچا کے خلاف منفی بیانیہ بنایا، چچا جوڈیشری کے ممبر ہیں جن پر کرپشن کے الزمات عائد کیے گئے، انکوائری کے دوران ملزمان کے ملوث پائے جانے پر مقدمہ درج کیا گیا۔
مزید پڑھیں: خواتین کے نازک مسائل پر گفتگوڈاکٹرنبیہ کو مہنگی پڑگئیں، سوشل میڈیا صارفین نے دن میں تارے دیکھا دیئے
ایف آئی آر میں نامزد افراد میں مجاہد علی شاہ، اللہ نواز خان، سہیل احمد، عمر صدیق، صدیق انجم، طارق سلیم شامل ہیں، مقدمے میں بلیک میلنگ، خوفزدہ کرنے اور بدنام کرنے کے الزامات عائد ہیں۔
