ہڈرز فیلڈ(شہزاد انور ملک سے)پاکستان ویلفیئر ایسوسی ایشن ہڈرزفیلڈ کے زیر اہتمام یوم پاکستان کی تقریب مقامی ہوٹل میں منعقد ہوئی ۔
تقریب میں پاکستانی کمیونٹی کی کثیر تعداد نے شرکت کی ۔یوم پاکستان کی تقریب سے خطاب کرتے ہوئے پاکستان سے ائے ہوئے مہمان خصوصی علامہ صاحبزادہ محمود احمد قادری نے کہا کہ پاکستان لاکھوں مسلمانوں کی قربانیاں دے کر حاصل کیا گیا۔
انہوں نے کہا کہ ہندو مسلمانوں پر اثر انداز ہو رہا تھاکہ قائد اعظم محمد علی جناح نے مسلم لیگ بنا کر تمام مسلمانوں کو ایک پلیٹ فارم پر اکٹھا کیا اور وطن عزیز پاکستان کی بنیاد رکھی جسے لاکھوں مسلمانوں کی قربانیوں کے بعد حاصل کیا گیا ہے۔انہوں نے کہا کہ کشمیر اور فلسطین کے مسئلے پر عالمی برادری کی خاموشی انتہائی مایوس کن اور افسوسناک ہے۔
سرفراز احمد اتاشی (قونصلر امور) قونصلیٹ آف پاکستان بریڈ فورڈ۔نے کہا کہ پاکستان لاکھوں مسلمانوں کی قربانیاں دے کر حاصل ہوا ۔قائد اعظم محمد علی جناح کی انتھک کوششوں اور دن رات محنت کی وجہ سے ہمارا وطن پاکستان معرض وجود میں ایا ایسی تقاریب شہدائے پاکستان کو خراج عقیدت پیش کرنے کے ساتھ ساتھ نوجوان نسل کو تحریک پاکستان سے روشناس کروانا ہے ۔
تقریب کے میزبان اور ھڈرزفیلڈ پاکستان ویلفیئر ایسوسی ایشن کے جنرل سیکرٹری حاجی سردار محمد نے کہا کہ برطانیہ میں اباد پاکستانی کمیونٹی کے دل پاکستان کے ساتھ دھڑکتے ہیں۔انہوں نے کہا کہ پاکستانی کمیونٹی نے وطن عزیز پاکستان کے لیے ہمیشہ دل کھول کر مدد کی ہے انہوں نے کہا کہ قائد اعظم محمد علی جناح کے پاکستان کی حفاظت کرنا ہم سب کی ذمہ داری ہے ۔حاجی سردار محمد نے کہا کہ پاکستان کی ترقی خوشحالی کے لیے تمام سیاسی جماعتوں کو مل کر کام کرنا ہوگا تاکہ ہم ترقی یافتہ ممالک کی صف میں شامل ہو سکیں۔
تقریب سے خطاب کرتے ہوئے پاکستان پیپلز پارٹی برطانیہ کے مذہبی امور کے چیئرمین مولانا قاری محمد عباس نے کہا کہ پاکستان اس وقت انتہائی نازک دور سے جا رہا ہے ضرورت اس بات کی ہے کہ پاکستان کی تمام سیاسی جماعتیں اور حکومت اپنے تمام سیاسی اختلافات کو بالائے طاق رکھ کر ملک کی ترقی اور خوشحالی کے لیے مل کر کام کریں ۔
تقریب سے خطاب کرنے والوں میں کونسلر افاق احمد ۔کونسلر عمران صفدر ۔سابق کونسلر جمیل اختر شامل ہیں تقریب کا اغاز مولانا قاری محمد عباس نے اپنی خوبصورت اواز میں تلاوت قران مجید فرقان حمید سے کی جبکہ تقریب کے اختتام پر مہمان خصوصی علامہ صاحبزادہ محمود احمد قادری نے پاکستان کی ترقی خوشحالی پوری امت مسلمہ اور بالخصوص فلسطین کے ناطے مسلمانوں کے لیے خصوصی دعا کی تقریب میں ہیلی فیکس بریڈ فورڈ ہڈر فیلڈ گرد و نواح سے پاکستانی کمیونٹی نے کثیر تعداد میں شرکت کی۔
