لاڑکانہ(روشن پاکستان نیوز)بلوں کی عدم ادائیگی پر ریڈیو پاکستان لاڑکانہ کی بجلی کاٹ دی گئی۔
ریڈیو پاکستان لاڑکانہ کی انتظامیہ کے مطابق بجلی نہ ہونے کے باعث نشریات 2 روز سے معطل ہیں۔
ریڈیو پاکستان لاڑکانہ کی انتظامیہ نے یہ بھی بتایا ہے کہ بجلی کاٹے جانے کی اطلاع ہیڈ کوارٹر کو دے دی ہے۔
سیپکو کے مطابق 94 لاکھ روپے کے بل کی عدم ادائیگی پر ریڈیو پاکستان لاڑکانہ کی بجلی کاٹی گئی ہے۔
سیپکو نے یہ بھی بتایا ہے کہ ریڈیو پاکستان کی جانب سے گزشتہ 10 ماہ سے بجلی کے بل ادا نہیں کیے گئے۔
