اسلام آباد(روشن پاکستان نیوز) مسلم لیگ (ن)کے سینئر رہنماسینیٹر عرفان صدیقی نے بانی پی ٹی آئی کے اڈیالہ میں قید کے دوران کھانے پر ہونے والے اخراجات اور مختلف افرادکی ان سے سیکڑوں ملاقاتوں کے بارے میں حقائق قوم کے سامنے لانے کا مطالبہ کردیا۔
تفصیلات کے مطابق اسلام آباد(ویب ڈیسک )پاکستان مسلم لیگ (ن) کے سینیٹر عرفان صدیقی نے بانی چیئرمین پی ٹی آئی عمران خان کے حوالے سے اڈیالہ جیل میں ہونے والے اخراجات کے حوالے سے بڑا دعویٰ کردیا۔
مزیدپڑھیں:پی ٹی آئی کی ایک اور وکٹ گر گئی، دوبارہ گنتی میں ن لیگی امیدوار کامیاب،نوٹیفیکیشن جاری
سماجی رابطے کی ویب سائٹ ایکس(سابقہ ٹوئٹر)پر ایک ٹوئٹ میں مسلم لیگ (ن)کے سینئر رہنماسینیٹر عرفان صدیقی نے کہاکہ179 دنوں میں بانی پی ٹی آئی عمران خان سے 65 افراد کی 976 ملاقاتوں،30 لاکھ روپے سے زائد کھانے اورخصوصی رہائشی یونٹ پر ایک کروڑ روپے کے اخراجات کے بارے میں حقائق قوم کے سامنے لائے جائیں۔
179 دنوں میں عمران خان سے 65 افراد کی 976 ملاقاتوں،30 لاکھ روپے سے زائد کھانے اورخصوصی رہائشی یونٹ پر ایک کروڑ روپے کے اخراجات کے بارے میں حقائق قوم کے سامنے لائے جائیں۔ https://t.co/6oABoqzYnT
— Senator Irfan Siddiqui (@IrfanUHSiddiqui) March 23, 2024
اپنے اس ٹوئٹ میں عرفان صدیقی نے صحافی کا ایک ویڈیو کلپ بھی شیئر کیا جس میں انہوں نے اس حوالے سے تفصیلات بتائی تھیں۔
