عجمان(روشن پاکستان نیوز)متحدہ عرب امارات(یو اے ای)کے شہر عجمان میں واقع ایک کیمیکل فیکٹری میں آگ لگنے سے 9 پاکستانی شہری زخمی ہوگئے۔

عرب نیوز کے مطابق متحدہ عرب امارات میں موجود پاکستان کے ایک اعلی سفارت کار نے کو بتایا کہ آگ اس فیکٹری میں لگی جس میں سینیٹائزر اور پرفیوم بنانے کے لیے استعمال ہونے والی کیمیائی مصنوعات تیار کی جاتی تھیں۔ متحدہ عرب امارات میں پاکستان کے سفیر فیصل نیاز ترمذی نے عرب نیوز کو بتایا کہ24 فروری کو عجمان، متحدہ عرب امارات میں سینیٹائزرز اور پرفیوم سے متعلق کیمیائی مصنوعات کی سہولت میں آگ لگنے کا افسوسناک حادثہ پیش آیا۔

مزیدپڑھیں:ایرانی وزیرِ خارجہ کی پاکستان میں انتخابات کے انعقاد پر مبارکباد

اس افسوسناک واقعے میں 9 پاکستانی زخمی ہوئے جنہیں فوری طور پر مختلف ہسپتالوں میں منتقل کر دیا گیا۔ پاکستانی سفارت خانے کے مطابق زخمی پاکستانی شہریوں کا تعلق جنوبی صوبہ سندھ کے شہید بینظیر آباد اور مشرقی صوبہ پنجاب کے ڈیرہ غازی خان سے ہے۔