لیوٹن (روشن پاکستان نیوز) جنوری بروز اتوار تحریک انصاف (پی ٹی آئی) لیوٹن کے زیر انتظام ایک اہم احتجاجی پروگرام کا انعقاد کیا جائے گا، جس کا مقصد عمران خان کی رہائی اور اُن کے خلاف جھوٹے کیسز کی مذمت کرنا ہے۔ یہ پروگرام القادر ٹرسٹ کیس میں عمران خان کے حالیہ فیصلے کے خلاف بھی آواز بلند کرے گا۔
احتجاجی پروگرام کی منصوبہ بندی پی ٹی آئی کے صدر سردار عبدالقیوم نیازی کی ہدایت پر کی گئی ہے، اور اس میں پارٹی کے اہم رہنما، زولفی بخاری، خصوصی طور پر شرکت کریں گے۔ پروگرام میں پی ٹی آئی یو کے کی اعلیٰ قیادت بھی موجود ہو گی، جو پارٹی کے عزم و ہمت کی مظہر ہے۔
پی ٹی آئی لیوٹن اور مضافاتی ایریاز میں آباد کارکنان کو اس پروگرام میں شرکت کی دعوت دی گئی ہے۔ تحریک انصاف کی قیادت نے اپنے کارکنوں سے درخواست کی ہے کہ وہ اس احتجاجی پروگرام میں بھرپور شرکت کریں اور پاکستان میں جمہوریت اور انصاف کے حق میں آواز اٹھائیں۔
پروگرام کا مقصد عمران خان کی سیاسی جدوجہد اور ان کے ساتھ ہونے والے ناانصافیوں کے خلاف عالمی سطح پر آگاہی پیدا کرنا ہے، تاکہ عالمی برادری کو اس معاملے کی حقیقت کا علم ہو سکے۔
مزید پڑھیں: عمران خان کی سہولیات فراہمی کی درخواست پر جیل انتظامیہ کو نوٹس
تمام شرکاء کو اس اہم موقع پر شرکت کی ترغیب دی جا رہی ہے تاکہ ایک طاقتور اور متحد آواز کے ذریعے اپنے قائد کے ساتھ اظہار یکجہتی کیا جا سکے۔
