لندن(روشن پاکستان نیوز)بانی تحریک انصاف وسابق وزیر اعظم عمران خان کے قریبی دوست صاحبزادہ جہانگیر نے عمران خان،جمائماخان اور لیڈی ڈیاناکے ساتھ اپنی یادگارتصویرٹوئٹر(ایکس)پرشیئرکردی،
تفصیلات کے مطابق وائرل تصویر میں صاحبزادہ جہانگیر برطانوی شہزادی آنجہانی لیڈی ڈیانا،سابقہ اہلیہ عمران خان جمائما خان اور ان دنوں اڈیالہ جیل میں اسیر بانی پاکستان تحریک انصاف عمران خان کے ہمراہ لی گئی ایک تصویرمیں موجودہیں،
تصویر کسی تقریب کی عکاسی کرتی ہے،جہاں پر مذکورہ تمام شخصیات موجود ہیں اور خوشگوارماحول میں ایک دوسرے کے ساتھ محو گفتگوہیں،
عمران خان کے رقیب نے شیئرکی گئی تصویر کیساتھ ایک خوبصورت کیپشن بھی لکھاجس نے سوشل میڈیاصارفین اورخصوصاًعمران خان کے چاہنے والوں کے دل موہ لئے
کیپشن لکھا تھا کہ ” پاکستان بننے سے لے کر اب تک مجھے کوئی ایسی تصویر دکھائیں جو کسی اور لیڈر کی ہو”
تصویر میں عمران خان پاکستان کا قومی لباس سفید شلوار قمیض زیب تن کئے ہوئے ہیں جبکہ پائوں میں مشہورپشاوری چپل پہنے ہوئے ہیں
اسی طرح ساتھ بیٹھی جمائما خان نے بھی سفید رنگ کی کپڑے پہنے ہوئے ہیں جبکہ ان کے ساتھ بیٹھی لیڈی ڈیاناہلکے نیلے رنگ کے کپڑوں میں ملبوس ہیں۔
سوشل میڈیا صارفین تصویر میں عمران خان اور جمائما خان کو اکٹھے ہنستے مسکراتے دیکھ کر بہت خوش ہیں اور دلچسپ تبصرے بھی کر رہے ہیں،
تصویر کوچھ ہزار کے قریب لوگ اب تک لائیک کر چکے ہیں،جب کہ درجنوں بار تصویر ری ٹوئٹ بھی کی گئی ہے۔
