پشاور(روشن پاکستان نیوز) تحریک انصاف کے رہنما علی محمد خان نے سماجی رابطے کی ویب سائٹ ایکس کی بندش کے خلاف ہائیکورٹ سے رجوع کرنے کا فیصلہ کرلیا۔
علی محمد خان نے اپنے ایک بیان میں کہا کہ آج سوشل میڈیا پلیٹ فارم کی بندش کا چوتھا دن ہے، میں آج فاشسٹ حکومت کے اس آمرانہ اقدام کو بطور وکیل اسلام آباد ہائی کورٹ میں چیلنج کرنے جا رہا ہوں کیونکہ یہ آمریت ناقابل قبول ہے۔
علی محمد خان نے کہا کہ اظہار رائے کی آزادی بنیادی انسانی حق ہے، دور جدید میں آمریت کے یہ پچھلی صدی کے ہتھکنڈے کام نہیں آنے والے، انٹرنیٹ یا سوشل میڈیا پلیٹ فارمز کو بلاک کرنا مسائل کا حل نہیں، مینڈیٹ عوام کا ہے۔ عوام عوام کے لیے ہے. اسے واپس کرنا پڑے گا، عوام سچ بولیں گے، سچ سامنے آنے دیں۔
