اسلام آباد(روشن پاکستان نیوز) ایران کے صوبے سیستان بلوچستان میں 8 پاکستانی شہریوں کے قتل پر پاکستانی دفتر خارجہ کا ردعمل سامنے آ گیا۔
ترجمان دفتر خارجہ نے کہا کہ ایرانی سرزمین پر پیش آنے والے افسوسناک واقعے سے باخبر ہیں ، ایرانی حکام سے مسلسل رابطے میں ہیں۔ جب مکمل حقائق سامنے آئیں گے اور تصدیق شدہ معلومات دستیاب ہوں گی، تو ہم اس پر باقاعدہ تبصرہ کریں گے۔
مزید پڑھیں: ایران میں 8 پاکستانی قتل، حملہ آوروں کی شناخت نہ ہو سکی
دوسری جانب وزیرِ اعظم شہباز شریف نے سیستان میں 8 پاکستانیوں کے بیہمانہ قتل پر گہرے دکھ اور رنج کا اظہار کرتے ہوئے کہا کہ ایرانی حکومت ملزمان کو فوری طور پر گرفتار کرکے قرار واقعی سزا دے اور اس بہیمانہ اقدام کی وجوہات عوام کے سامنے لائیں.
وزیرِ اعظم نے وزارت خارجہ کو پاکستانیوں کے اہلخانہ سے رابطہ کرنے اور ایران میں پاکستانی سفارتخانے کو میتوں کی باحفاظت واپسی کیلئے اقدامات کی بھی ہدایت کی۔
