اسلام آباد(روشن پاکستان نیوز) آرمی چیف جنرل عاصم منیر کا کہنا ہے کہ پاکستان عالمی معدنی معیشت میں رہنما کے طور پر ابھرنے کیلئے تیار ہے۔
پاکستان منرل انویسٹمنٹ فورم سے خطاب کرتے ہوئے انہوں نے کہا کہ ہم بین الاقوامی اداروں کو خوش آمدید کہتے ہیں،بین الاقوامی ادارے اپنی مہارت سے پاکستان کو روشناس کرائیں اورپاکستان میں سرمایہ کاری کے مواقع تلاش کریں۔
بین الاقوامی ادارےترقی کیلئے ہمارے ساتھ شراکت داری کریں،معدنیات کو اخذ کرنے کیلئے انجینئر ،جیالوجسٹ اور ماہر کان کن درکار ہیں،معدنیات کے شعبے کی ترقی کیلئے طلبا کو تربیت کیلئے بیرون ملک بھیج رہے ہیں۔
بلوچستان کے 27 طلباء زیمبیا اور ارجنٹینا میں تربیت حاصل کر رہے ہیں،ہمارا مقصد معدنی شعبے کیلئے افرادی قوت اور انسانی وسائل پیدا کرنا ہے۔
اقتصادی سلامتی، قومی سلامتی کے ایک اہم جزو کے طور پر ابھری ہے،پاک فوج سرمایہ کاروں کے تحفظ کیلئے سیکیورٹی فریم ورک یقینی بنائے گی،پاکستان میں اپ اسٹریم اور ڈائون اسٹریم معدنی صنعتوں کی ترقی کو بھی یقینی بنایا جائے گا۔
انہوں نے مزید کہا کہ ملک کیلئے اور اپنے لیے آگے بڑھیں اور جدوجہد کریں،پاکستان میں ریفائننگ اور ویلیو ایڈیشن میں سرمایہ کاری کی جائے ،پاکستانی عوام کے پیروں کے نیچے وسیع معدنی ذخائر موجود ہیں۔
پاکستانی عوام کے ہاتھوں میں مہارت موجود ہے ،معدنی وسائل اور شفاف پالیسی کے ہوتے ہوئے مایوسی اور بے عملی کی کوئی گنجائش نہیں۔
آرمی چیف جنرل سید عاصم منیر کا اپنے خطاب میں مزید کہنا تھا کہ معدنی دولت سے استفادہ کیلئے آپ کی مہارت سے مستفید ہونا قومی خواہش ہے،آپ پاکستان پر پراعتماد پارٹنر کے طور پر بھروسہ کر سکتے ہیں۔
مزید پڑھیں:اسٹاک مارکیٹ میں اضافہ حکومتی پالیسیوں پر سرمایہ کاروں کے اعتماد کا مظہر ہے، وزیراعظم
بلوچ قبائلی عمائدین کی کاوشوں کا بھی معترف ہوں،قبائلی عمائدین نے کان کنی کے فروغ اور بلوچستان کی ترقی میں اہم کردار ادا کیا،مل کر کام کرنے سے پاکستان کا معدنی شعبہ اجتماعی فائدہ اور ترقی کو فروغ دے سکتاسونا ہے۔
