راولپنڈی(روشن پاکستان نیوز) شمالی وزیرستان میں سیکیورٹی فورسز کی بروقت کارروائی کے دوران 16 خارجی ہلاک ہو گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے پاک افغان سرحد پر خارجیوں کی دراندازی کی کوشش ناکام بنا دی۔ خارجیوں نے شمالی وزیرستان کے علاقے غلام خان کلے میں دراندازی کی کوشش کی۔
ترجمان پاک فوج کے مطابق پاکستان بار بار افغان عبوری حکومت سے مؤثر بارڈر مینجمنٹ کے لیے کہتا آ رہا ہے۔ اور توقع ہے کہ افغان عبوری حکومت اپنی ذمہ داریاں پوری کرے گی۔
انہوں نے کہا کہ افغانستان خارجیوں کو پاکستان میں دہشتگردی کے لیے اپنی سرزمین استعمال کرنے سے روکے۔
یہ بھی پڑھیں: وطن کی حفاظت ہر قیمت پر یقینی بنائیں گے ، پاک فوج
ترجمان آئی ایس پی آر نے کہا کہ سیکیورٹی فورسز اپنی سرحدوں کو محفوظ بنانے کے لیے پرعزم ہیں۔ اور سیکیورٹی فورسز ملک سے دہشتگردی کا خاتمہ یقینی بنائیں گی۔
