اسلام آباد(روشن پاکستان نیوز) بانی پی ٹی آئی کی 9 مئی واقعات کی جوڈیشل انکوائری کی درخواست سماعت کیلئے مقرر کردی گئی ہے۔

سپریم کورٹ نے درخواست 28 فروری کو سماعت کے لیے مقررکی،جسٹس امین الدین کی سربراہی میں آئینی بینچ سماعت کرے گا۔

دوسری جانب وزیر اطلاعات پنجاب عظمیٰ بخاری کا کہنا ہے کہ پنجاب حکومت نے بانی پی ٹی آئی سے ملاقاتوں پر کوئی پابندی نہیں لگائی،بانی پی ٹی آئی کی فیملی، وکلاء اور پارٹی رہنما معمول کے مطابق ملاقاتیں کر رہے ہیں۔

اپنے ایک بیان میں انہوں نے کہا کہ یہ جیل کو تفریحی پارک سمجھتے ہیں ،یہ چاہتے ہیں جب دل چاہے جیل پہنچ جائیں کوئی ضابطہ نہ ہو،جب ان کے پاس کوئی کارڈ نہیں بچتا تو “مظلومیت کارڈ” کھیلنا شروع کر دیتے ہیں۔

خط لکھنے سے نہ ڈیل ملی اور نہ ہی ملے گی، جن کو خط لکھے جا رہے ہیں یہ انہی کیخلاف پراپیگنڈا مہم چلاتے ہیں،اوورسیز پاکستانیوں نے پی ٹی آئی کی ہر کال کو مسترد کیا ہے۔

نواز شریف اور مریم نواز پر بات کیے بغیر ان کی سیاست نامکمل ہے۔

مزید پڑھیں: شیر افضل مروت پی ٹی آئی کے اندرونی سیاست پر کھل کربول پڑے