کراچی(روشن پاکستان نیوز) کراچی میں چیمپئنز ٹرافی کی افتتاحی تقریب کے دوران پاک فضائیہ کے طیاروں کا فلائٹ پاسٹ ہوگا، اس کے لیے سول ایوی ایشن نے ائیرلائنز کو نوٹم کے ذریعے ہدایات جاری کردی ہیں۔

 سول ایوی ایشن کے مطابق 19فروری کوپاک فضائیہ کے طیارے  چیمپئنز  ٹرافی کی تقریب میں فلائی پاسٹ کا مظاہرہ کریں گے،  اس دوران کراچی ائیرپورٹ آنے والی کمرشل  پروازوں کو  احتیاط کی ہدایت کردی گئی ہے۔

فلائی پاسٹ کے دوران مخصوص ائیرکوریڈور بند ہوگا جس کا نوٹم جاری کردیا گیا ہے۔

مزید پڑھیں: شاداب خان کی قوم سے چیمپئنز ٹرافی میں ٹیم کی حمایت کی اپیل

سول ایوی ایشن کے مطابق احتیاطی تدابیر کے طور  پر کمرشل پروازوں کو  اضافی فیول رکھنےکی بھی ہدایت کردی گئی ہے۔

سول ایوی ایشن نے ائیرلائنز کو نوٹم کے ذریعے ہدایات جاری کی ہیں۔