اسلام آباد (روشن پاکستان نیوز)اسلام آباد میں ریڈ زون اور شاہراہ دستور جانے والے تمام راستے کنٹینرز ہٹا کر کھول دیے گئے۔
ریڈ زون کے اطراف سے کنٹینرز ہٹا دیے گئے اور راستے مکمل بحال ہیں، ڈی چوک پر ابھی مٹی کے ڈھیر موجود ہیں۔
سکیورٹی صورتحال اور تحریک انصاف کے احتجاج کے پیش نظر کنٹینرز لگا کر راستے بند کئے گئے تھے، ریڈ زون میں داخلے کے لیے نادرا چوک اور مارگلہ روڈ سے بھی کنٹینرز ہٹا دیے گئے۔
ایوب چوک کا راستہ کھول دیا گیا اور سرینا چوک انڈر پاس کی تعمیر کی وجہ سے بند ہے۔ کئی روز سے بند راستوں پر اب ٹریفک معمول کے مطابق رواں دواں ہے۔
مزید پڑھیں: اسلام آباد میں شاہراہوں کی صفائی کا کام شروع، موٹرویز کھل گئیں، انٹر نیٹ سروس بحال
