اسلام آباد(روشن پاکستان نیوز) عوامی مسلم لیگ کے سربراہ شیخ رشید نے کہا ہے کہ ملکی سیاست میں رنگینی متوقع ہے ، 30 دسمبر سے پہلے اچھی خبریں آئیں گی۔
میڈیا سے گفتگو کرتے ہوئے شیخ رشید نے کہا کہ اس ملک میں آئین ہے نہ قانون اور نہ ہی انصاف، جن لوگوں نے ملک کو معاشی طور پر ڈیفالٹ کیا ان کے بیٹوں نے وہاں بھی تباہ کیا تاکہ ٹیکس نہ دینا پڑے۔
مزید پڑھیں: عوامی نیشنل پارٹی کے رہنما زاہد خان نے مسلم لیگ ن میں شمولیت کا فیصلہ کرلیا
ان کا کہنا تھا کہ غریب تو مر گیا ہے، آج آئی ایم ایف وفد جا رہا ہے ،غریب اور مر جائے گا،غریب کے بچوں کے حالات ان کو پتہ نہیں ،گھر کا چولہا بھی نہیں جل رہا، بچوں کے پاس داخلے کی فیس نہیں، لال حویلی میں رابطہ کریں راولپنڈی کی ساری بچیوں کی فیس ہم دیں گے۔
انہوں نے کہا کہ خدا کو گواہ بنا کر کہتا ہوں کسی سے کوئی رابطہ نہیں، چاہتا ہوں بے شک تنگ گلی سے راستہ نکلے، بانی پی ٹی آئی سمیت تمام لوگوں کو رہائی ملے۔
مزید پڑھیں: میرا کسی سے رابطہ نہیں ، سیاست میں رنگینی متوقع ، 30 دسمبر سے پہلے اچھی خبریں آئنیگی ، شیخ رشید
