راولپنڈی (روشن پاکستان نیوز) سی پی او سید خالد ہمدانی کی ہدایت پر راولپنڈی پولیس نے مختلف علاقوں میں بھرپور سرچ آپریشنز کا آغاز کیا ہے۔ یہ کارروائیاں تھانہ پیرودھائی، صادق آباد، نیوٹاؤن، ویسٹریج، ائیرپورٹ، آر اے بازار، دھمیال اور سول لائنز میں کی گئیں۔
سرچ آپریشنز کے دوران گھروں اور کرایہ داروں کے کوائف کی جانچ کی گئی، جس کے نتیجے میں پیرودھائی کے علاقے سے کرایہ داری ایکٹ کی خلاف ورزی کرنے والے 04 ملزمان کو گرفتار کیا گیا۔ گرفتار ملزمان میں محمد شبیر، فرحت اللہ، محمد بشیر اور عبدالقدوس شامل ہیں۔
یہ کارروائیاں جرائم پیشہ اور قانون شکن عناصر پر کڑی نظر رکھنے کے لیے کی گئی ہیں، تاکہ انہیں قانون کے کٹہرے میں لایا جا سکے۔ سی پی او سید خالد ہمدانی کا کہنا ہے کہ راولپنڈی پولیس شہریوں کی جان و مال کے تحفظ اور امن و امان کے قیام کے لیے ہمہ وقت مصروف عمل ہے۔
یہ اقدامات عوامی حفاظت کو یقینی بنانے کے لیے انتہائی اہم ہیں اور پولیس کی عزم و ہمت کی عکاسی کرتے ہیں۔
