لاہور(روشن پاکستان نیوز) پنجاب حکومت نے بھی لاہور سمیت مختلف اضلاع میں امن وامان یقینی بنانے کیلئے فوج کو طلب کر لیا ، محکمہ داخلہ پنجاب نے وفاق کو پاک فوج کی تعیناتی کے حوالے سے خط لکھ دیا۔
فوج کی خدمات کے حوالے سے قواعد کا نوٹیفکیشن جاری کردیا گیا ہے، قواعد آئین کے آرٹیکل 245 کے تحت مسلح افواج کی تعیناتی پر عملدرآمد کرائیں گے۔
فوج طلبی کا فیصلہ کابینہ کمیٹی برائے امن و امان کے اجلاس میں کیا گیا، فوج ایئر پورٹس سمیت اہم عمارتوں کا کنٹرول سنبھالے گی، پاک فوج کو انتشار پھیلانے والوں سے سختی سے نمٹنے کا اختیار ہو گا۔
مزید پڑھیں: پاک فوج کو شرپسند عناصر کی گرفتاری اور مظاہرین پر لاٹھی چارج کے اختیارات مل گئے
پنجاب حکومت کے نوٹیفکیشن میں مزید کہا گیا ہے کہ رولز کے تحت آرمڈ فورسز کو انسداد دہشتگردی ایکٹ کے سیکشن پانچ کے اختیارات حاصل ہوں گے، پولیس کی عدم موجودگی میں فوج جرم روکنے کے لیے کسی بھی شخص کو گرفتار کر سکے گی۔
