قلات (روشن پاکستان نیوز) بلوچستان کے ضلع قلات کے علاقے تخت جوہان میں سڑک کنارے نصب بارودی مواد کے دھماکے میں قانون نافذ کرنے والے ادارے کے 8 اہلکار زخمی ہو گئے ہیں۔
ضلعی انتظامیہ کے مطابق دھماکا اُس وقت ہوا جب قانون نافذ کرنے والے ادارے کی گاڑی سڑک سے گزر رہی تھی۔ دھماکے کے نتیجے میں 8 اہلکار زخمی ہوئے ہیں۔
واقعے کی مزید تفصیلات جمع کی جارہی ہیں اور تحقیقات کا آغاز کر دیا گیا ہے۔ ضلعی انتظامیہ نے کہا ہے کہ اس واقعے کے حوالے سے مکمل معلومات تحقیقات کے بعد فراہم کی جائیں گی۔
