اسلام آباد(روشن پاکستان نیوز) خیبر پختونخوا کابینہ کا اجلاس دوسری بار کل اسلام آباد میں طلب کر لیا گیا، کابینہ اراکین اور وزراء نے اسلام آباد میں ڈیرے ڈال لیے۔

کے پی ہاؤس اسلام آباد میں ہونے والے اجلاس میں شرکت کے لئے کابینہ ارکان کے نام مراسلہ ارسال کر دیا گیا ہے، کابینہ اجلاس 54 نکاتی ایجنڈے پر مشتمل ہے، شانگلہ ٹاپ میں ریسٹ ہاﺅس کی تعمیر، رولز آف بزنس 1985 میں ترمیم بھی ایجنڈے میں شامل ہے۔

اعلامیہ میں کہا گیا ہے کہ ایجنڈے میں 7 مشترکہ قراردادیں بھی شامل ہیں، ماہانہ اجرت 32 ہزارسے بڑھا کر36 ہزار روپے مقررکرنے ، محکمہ قانون سمیت دیگر محکموں کے بلوں اور ترامیم کی منظوری دی جائے گی۔

مزید پڑھیں: ایران پاکستان گیس پائپ لائن پر ان کیمرا اجلاس میں بریفنگ دیں گے، مصدق ملک