لاہور(روشن پاکستان نیوز)میڈیا رپورٹس کے مطابق لاہور ہائی کورٹ کے جسٹس شاہد جمیل خان نے عہدے سے استعفیٰ دے دیا۔میڈیا کے مطابق جسٹس شاہد جمیل خان نے اپنا استعفیٰ صدر مملکت عارف علوی کو بھیج دیا ہے۔
ذرائع کے مطابق جسٹس شاہد جمیل نے 2029 میں ریٹائر ہونا تھا، وہ مارچ 2014 کو لاہور ہائی کورٹ کے جج تعینات ہوئے تھے۔جسٹس شاہد جمیل خان سنیارٹی لسٹ میں 11 ویں نمبر پر تھے تاہم ان کے استعفے کی وجوہات سامنے نہیں آسکی ہیں۔ذرائع کے مطابق جسٹس شاہد جمیل خان نے ذاتی وجوہات کی بنا پر استعفیٰ دیا ہے۔
