اسلام آباد(روشن پاکستان نیوز)وفاقی وزارت تعلیم نے پاکستان کی مشہور خاتون کوہ پیما نائلہ کیانی کو لڑکیوں کی تعلیم کے لیے قومی خیر سگالی سفیر مقرر کر دیا۔
وفاقی وزارت تعلیم کا کہنا ہے کہ نائلہ کیانی خیر سگالی سفیر کے طور پر ملک بھر میں لڑکیوں کی تعلیم کی اہمیت کو اجاگر کریں گی۔ نائلہ کیانی کی بطور قومی خیر سگالی سفیر تقرری تعلیم کے ذریعے خواتین کو بااختیار بنانے کے ان کے عزم کا ثبوت ہے۔
ایرو اسپیس انجینئر اور بینکر نائلہ کیانی 8000 میٹر سے بلند 11 چوٹیاں سر کرنے والی پہلی پاکستانی خاتون اور تیسری پاکستانی ہیں۔ نائلہ کیانی نانگا پربت، گاشربرم ون، گاشربرم ٹو، لوتسے، مناسلو، براڈ پیک، اناپورنا، مکالو، اور چو اویو سرکر چکی ہیں۔
