قومی احتساب بیورو (نیب) کی ٹیم کی جانب سے نے نجی ہاؤسنگ سوسائٹی (بحریہ ٹاؤن) کے راولپنڈی آفس پر چھاپہ مارا گیا ہے۔ذرائع کے مطابق چھاپا القادر ٹرسٹ یونیورسٹی کا ریکارڈ حاصل کرنے کے لیے مارا گیا۔
چھاپے کے دوران نیب ٹیم کے ہمراہ پنجاب پولیس اور ایلیٹ فورس کی ٹیمیں بھی تھیں۔ذرائع کے مطابق نیب کی ٹیم نے دفتر میں ہاؤسنگ سوسائٹی کے عملے سے پوچھ گچھ کی۔ نیب کی جانب سے ہاؤسنگ سوسائٹی کا دفتر سیل کردیاگیا۔
ذرائع کا کہنا ہے کہ نیب نے بحریہ ٹاؤن کے خلاف مبینہ بے ضابطگیوں پر تحقیقات بھی شروع کردی ہیں۔ذرائع کے مطابق بحریہ انکلیو اسلام آباد کی زمین پر بھی تحقیقات شروع کردی گئی ہیں۔سی ڈی اے نے یہ زمین چڑیا گھر کےلیے مختص کی تھی۔
