پشاور (روشن پاکستان نیوز)خیبرپختونخوا میں حالیہ بارشوں سے مجموعی طور پر 36,642 ایکڑ پر کھڑی فصلوں اور باغات کو نقصان پہنچا ہے۔

کے پی کے ڈائریکٹوریٹ آف کراپ رپورٹنگ سروسز کے مطابق 28,430 ایکڑ اراضی پر گندم تباہ ہو گئی ہے جبکہ 15 اضلاع میں فصلوں اور باغات کو نقصان پہنچا ہے۔

رپورٹ کے مطابق پشاور میں 12 ہزار 904 ایکڑ اراضی پر گندم کو نقصان پہنچا جبکہ ایک ہزار ایکڑ سے زائد پرمٹ، پیاز، مٹر اور آڑو کے باغات بھی متاثر ہوئے۔