لاہور(روشن پاکستان نیوز) لاہور میں ایوی سینا میڈیکل کالجکی طالبہ کی مبینہ خودکشی پر ساتھی طلبہ اور والدین نے انتظامیہ کے نارواسلوک کے خلاف احتجاج کیا۔کالج میں طلبہ اور والدین نے احتجاجی مظاہرہ کیا۔ شرکاء نے پلے کارڈز اٹھا کر انتظامیہ کے خلاف نعرے لگائے۔
واضح رہے کہ چند روز قبل ماہ نور نامی طالبہ نے مبینہ طور پر خودکشی کی تھی۔ والدین نے انتظامیہ پر طالبہ سے ناررواسلوک کا الزام لگایا ہے۔ایوی سینا میڈیکل کالج کی طلبہ کا احتجاج رنگا لے آیا اور کالج انتظامیہ نے رولز میں تبدیلی کا نوٹیفیکیشن جاری کردیا۔
جس کے بعد پروفیسر تبسم، تدریس اور تعلیمی سرگرمیوں میں مداخلت نہیں کریں گے۔ پروفیسر تبسم کا ضابطہ اخلاق کی کمیٹی سے بھی تعلق نہیں ہوگا۔ چھٹی اور حاضری کی پالیسی یونیورسٹی آف ہیلتھ سائنسز کے مطابق ہوگی، جب کہ سزاؤں کو واپس لے لیا گیا۔
مزید پڑھیں: گوجرخان،سکولوں اور کالجوں میں منشیات سپلائی کرنے والا منشیات فروش گرفتار
انتظامیہ یقینی بنائے گی کہ طلبہ کو نفسیاتی مالی اور تعلیمی معاملات میں دباؤ نہ ڈالا جائے۔ ہر بیج میں طلبہ کے نمائندگان مسائل سے متعلق انتظامیہ کو آگاہ کریں گے۔ طلبہ کے خلاف کوئی ایسا ایکشن نہیں لیاجائے جس کے نتیجے میں احتجاج ہو۔
