پی آئی اے کی نجکاری کیلئے روڈ شوز کے معاملے میں پہلے مرحلے میں قطر، ابوظہبی اور سعودی عرب میں روڈ شوز کرنے پر غورکیا گیا ،پی آئی اے نجکاری کیلئے مالیاتی مشیر نے عالمی سرمایہ کاروں سے رابطے کئے۔
ذرائع کے مطابق ایوی ایشن کے عالمی سرمایہ کاروں کو پی آئی اے کی نجکاری پر بریفنگ دی جائے گی،سرمایہ کاروں کو پی آئی اے میں سرمایہ کاری کے پرکشش مواقع سے آگاہ کیا جائے گا،پی آئی اے انٹرنیشنل روٹس اور منافع پر بھی بریفنگ دی جائے گی ۔
ذرائع نے بتایا کہ پی آئی اے کے یورپ کے منافع بخش روٹس کھلنے پر بھی بریفنگ تیار کی گئی ہے۔پی آئی اے کا قرض اور واجبات ہولڈنگ کمپنی کو منتقل ہوگئے ہیں۔مالیاتی مشیران3 مئی تک روڈ شوز مہم بھرپور انداز سے جاری رکھیں گے ۔
