واشنگٹن(روشن پاکستان نیوز) امریکا اور چین کے درمیان ہونے والے ایک اہم معاہدے کے تحت چینی کمپنی بائٹ ڈانس کو صرف ایک بورڈ نشست کے ساتھ ٹک ٹاک کی امریکی شاخ میں محدود کردار دیا جائے گا، جب کہ دیگر 6 نشستیں امریکی شہریوں کے پاس ہوں گی۔
یہ پیش رفت ایسے وقت میں سامنے آئی ہے جب امریکی قانون کے تحت بائٹ ڈانس کو جنوری 2025 تک اپنے امریکی اثاثے فروخت کرنے کا حکم دیا گیا تھا، بصورت دیگر ٹک ٹاک پر امریکا میں پابندی عائد کر دی جاتی۔
معاہدے کے مطابق ٹک ٹاک کا امریکی ڈیٹا اور الگورتھم اب بائٹ ڈانس کے کنٹرول سے باہر ہوں گے اور انہیں امریکی کمپنی اوریکل کے سرورز پر محفوظ کیا جائے گا۔
وائٹ ہاؤس کے ایک سینئر عہدیدار کے مطابق، ٹک ٹاک کے تمام امریکی صارفین کا ڈیٹا اب امریکی قوانین اور سیکیورٹی پروٹوکولز کے تحت محفوظ رکھا جائے گا۔
مزید پڑھیں: پاکستان میں سونا مہنگا ہونے کا نیا ریکارڈ قائم، قیمت بلند ترین سطح پر پہنچ گئی
صدر ٹرمپ نے ٹک ٹاک کی بندش سے متعلق قانون پر عمل درآمد 120 دن کے لیے مؤخر کر دیا ہے، جس سے معاہدے کو اپریل 2025 تک مکمل کرنے کی مہلت مل گئی ہے۔
