اسلام آباد(روشن پاکستان نیوز) میٹا کی زیر ملکیت میسجنگ ایپلی کیشن ’واٹس ایپ‘ نے اپنے صارفین کو دھوکہ دہی سے محفوظ رکھنے کیلئے خصوصی وارننگ جاری کی ہے۔
واٹس ایپ انتظامیہ کی جانب سے صارفین کو خبردار کیا گیا ہے کہ وہ واٹس ایپ پر ایسے دھوکہ بازوں سے ہوشیار رہیں جو انہیں “دوست یا عزیز کی ضرورت” کے نام پر دھوکہ دینے کی کوشش کررہے ہیں۔
غیر ملکی خبر رساں ادارے کی رپورٹ کے مطابق واٹس ایپ وارننگ میں بتایا گیا ہے کہ یہ دھوکہ باز عناصر آپ کو ہزاروں روپے مالیت کا نقصان پہنچا سکتے ہیں۔
واٹس ایپ وارننگ میں بتایا گیا ہے کہ اس کام کا طریقہ کار یہ ہے کہ دھوکہ باز عناصر اپنے پیغامات کسی رشتہ دار یا عزیز کی آئی ڈی ہیک کرکے کرتے ہیں جو آپ کی رقم ہتھیانے کی کوشش میں ہوتے ہیں۔
کوئی دھوکہ بازی کا یہ طریقہ بھی اختیار کرسکتا ہے کہ وہ آپ کا کوئی رشتہ دار ہے جس کا فون کھوگیا ہے، یہ دھوکے باز اب مصنوعی ذہانت (اے آئی) کے ذریعے آپ کے کسی جاننے والے کی آواز کی نقل بنا کر دھوکہ دینے کی بھی کوشش کریں گے جس سے ہوشیار رہنے کی ضرورت ہے۔
دوسری جانب آپ کا ٹیکسٹ میسج یا انباکس بھی محفوظ نہیں ہے، وارننگ میں بتایا گیا ہے کہ یہ دھوکہ باز ڈیپارٹمنٹ فار ورک اینڈ پنشنز کی طرف سے ‘لِیوِنگ سبسڈی’ پیش کرنے کا دعویٰ کرتے ہیں اور ایک لنک کے ذریعے اس میں درخواست دینے کا کہتے ہیں۔
ویلز کی اولڈر پیپلز کمشنر نے اس میسج کا اسکرین شاٹ شیئر کرکے لوگوں کو خبردار کیا ہے کہ اس پر بالکل یقین نہ کریں۔
ریان بون ڈیوئس کے اکاؤنٹ نے وارننگ دی ہے کہ براہ کرم میسج میں آنے والے کسی بھی لنک پر کلک نہ کریں اور کسی بھی اسکام میسج کو ایکشن فراڈ کو رپورٹ کریں۔
ایکشن فراڈ نے مزید کہا کہ واٹس ایپ پر کسی کے خاندان یا دوست ہونے کا دعویٰ کرنے والے کسی غیر معمولی پیغام کے ملنے پر ہوشیار رہیں، دوست یا عزیز کی ضرورت والے اسکام سے ہوشیار رہیں۔
واٹس ایپ میں اسپام پیغامات رپورٹ کریں یا بھیجنے والے کو فوری بلاک کریں۔ اس کے علاوہ میسج ببل کو دیر تک دبا کر رکھیں، “رپورٹ” کا انتخاب کریں اور ملنے والی ہدایات پر عمل کریں۔
