منگل,  23 جولائی 2024ء
خبردار ہوشیار، ہیکرز سرگرم ، 10 بلین پاس ورڈ لیک کر کے خطرے کی گھنٹی بجادی

کیلیفورنیا(روشن پاکستان نیوز)  ہیکروں نے  10 بلین پاس ورڈ لیک کر کے خطرے کی گھنٹی بجادی۔ ماہرین نے اس حوالے سے تنبیہ کی ہے کہ  صارفین نے اگر اپنا ڈیٹا بچانا ہے تو فوری طور پر  اپنا پاس ورڈ تبدیل کردیں۔ اس حوالے سے فوربز کی رپورٹ نے تشویش کی لہر دوڑادی ہے۔

فوربز کی رپورٹس کے مطابق سیکیورٹی محققین نے پاس ورڈ لیک کے سب سے بڑے ڈیٹا بیس سے متعلق انتباہ جاری کردیا ہے۔گزشتہ ہفتے کے اختتام پر ہیکرز نے ایک معروف فورم پر تقریباً 10 بلین منفرد پاس ورڈز لیک کر دیئے ہیں۔انہوں نے فورم پر، ڈیٹا بیس ’RockYou2024‘ کے نام سے ایک ٹیکسٹ فائل ہے، جس میں حیرت انگیز طور پر ساڑھے 9 بلین سے زائد منفرد پاس ورڈز عام زبان میں درج ہیں، پوسٹ کئے ہیں۔

سائبر نیوز کے ماہرین کے مطابق، چوری شدہ پاس ورڈز کا یہ بڑا ذخیرہ ڈیٹا کی خلاف ورزیوں، مالی فراڈ اور شناخت کی چوری کی لہر کو متحرک کرنے کی صلاحیت رکھتا ہے۔ایسا لگتا ہے کہ ڈیٹا بیس پرانے اور نئے ڈیٹا کی خلاف ورزیوں کا مرکب ہے۔

سائبر نیوز ماہرین کے مطابق ، پاس ورڈز کی اتنی بڑی تعداد میں پاس ورڈز لا چوری ہونا ڈیٹا کی خلاف ورزیوں، مالی دھوکا دہی اور شناخت کی چوری کے کیسز میں اضافے کا سبب بن سکتا ہے۔ماہرین کے مطابق لیک ہونے والا ڈیٹا بیس پرانے اور نئے ڈیٹا کی خلاف ورزیوں کا مرکب لگتا ہے۔

مزید پڑھیں: ایسی اینڈرائیڈ ایپلی کیشنز جو آپ کا پاسورڈ چوری کر سکتی ہیں

ان کے مطابق لیک ہونے والا ڈیٹا حقیقی دنیا کے پاس ورڈز کی ایک تالیف ہے، جو پوری دنیا کے افراد استعمال کرتے ہیں، جس کے سبب بیشتر صارفین کی معلومات خطرے میں ہے۔

ماہرین کے مطابق ایسے صارفین جو مختلف پلیٹ فارمز کے لیے ایک ہی قسم کے کریڈینشل اور پاس ورڈز استعمال کرتے ہیں ان کا ڈیٹا سب سے زیادہ خطرے میں ہے۔

مزید خبریں

FOLLOW US

Copyright © 2024 Roshan Pakistan News