ممبئی(روشن پاکستان نیوز) بالی وڈ کی سپر ہٹ اداکارہ انوشکا شرما کی تقریباً سات سال بعد فلمی دنیا میں واپسی ہورہی ہے۔
بھارتی میڈیا رپورٹس کے مطابق یہ فلم اسپورٹس بائیوگرافیکل ہے جو سنیما گھروں کے بجائے نیٹ فلکس پر ریلیز ہوگی، فلم کا نام ‘چکڑا ایکسپریس ہے’۔
بتایا جارہا ہے کہ فلم کی عکسبندی کئی ماہ قبل ہی مکمل ہو چکی تھی لیکن پروڈکشن کمپنی اور نیٹ فلکس کے درمیان اختلافات کی وجہ سے فلم کی ریلیز روک دی گئی تھی۔
امکان ہے کہ فلم جلد ریلیز کی جائے گی اور تاریخ کا اعلان بھی آئندہ کچھ روز میں متوقع ہے۔
مزید پڑھیں: ببرک شاہ نے اداکارہ ریما خان کو اوور ریٹڈ قرار دے دیا
فلم میں انوشکا شرما ایک کرکٹر ہیں، یہ فلم بھارتی کرکٹر جھلن گوسوامی کی زندگی پر مبنی ہے، اور انوشکا ان ہی کا کردار کر رہی ہیں۔
جھلن گوسوامی بھارتی کرکٹ ٹیم میں 2002 سے 2022 تک رہیں جن کا تعلق ریاست مغربی بنگال کے چھوٹے قصبے ’چکڑا‘ سے تھا۔
واضح رہے کہ انوشکا شرما کی آخری فلم ’زیرو‘ تھی، جس میں انہوں نے شاہ رخ خان کے ساتھ ڈبل کردار ادا کیے تھے۔
