کوئٹہ(روشن پاکستان نیوز) بلوچستان حکومت نے صوبے میں تھیلیسیمیا کی روک تھام کے لیے نکاح سے قبل ایچ بی الیکٹروفوریسس ٹیسٹ لازمی قرار دینےکا فیصلہ کرلیا۔
نجی ٹی وی کے مطابق سیکرٹری صحت وچیئرمین بلوچستان بلڈ ٹرانسفوژن اتھارٹی مجیب الرحمن پانیزئی نے کہاہے کہ بلوچستان میں قبائلی معاشرہ ہونےکی وجہ سے کزن میرج کے باعث تھیلیسیمیا کے مریضوں میں اضافہ ہو رہا ہے، اس لیے صوبائی حکومت اور محکمہ صحت کے حکام نے یہ فیصلہ کیا ہے کہ تھیلیسیمیا کی روک تھام کے لیے نکاح سے قبل ایچ بی الیکٹروفوریسس ٹیسٹ لازمی قرار دیا جائےگا۔
مزید پڑھیں: ہیپاٹائٹس ڈی: عالمی ادارہ صحت سے ’کینسر‘ کا ٹائٹل پانے والی یہ نئی بیماری کیا ہے؟
مجیب الرحمان پانیزئی نے بتایا کہ اس حوالے سے پہلے سے منظور ہونے والے ایکٹ میں ترمیم کی ضرورت پڑی تو وہ بھی کی جائےگی۔
ان کا مزید کہنا تھا کہ ایچ بی الیکٹروفوریسس ٹیسٹ کے حوالے سے عوام کو لیبارٹریز میں سہولت بھی فراہم کی جائےگی، اس حوالے سے عوام میں آگہی مہم بھی شروع کی جائےگی۔
