اسلام آباد(روشن پاکستان نیوز) ایک حالیہ تحقیق نے شوگر (ذیابیطس) کے مریضوں کے لیے چند اہم نکات اور طریقے تجویز کیے ہیں جنہیں اپنانے سے ان کی صحت میں بہتری آ سکتی ہے اور بیماری کے اثرات کو کم کیا جا سکتا ہے۔
ماہرین کا کہنا ہے کہ شوگر کے مریضوں کو اپنی خوراک پر خصوصی دھیان دینا چاہیے اور ایسی غذائیں استعمال کرنی چاہئیں جو خون میں شکر کی سطح کو قابو میں رکھیں۔ سبز پتوں والی سبزیاں، کم گھی والی غذائیں، اور فائبر سے بھرپور غذائیں مثلاً دالیں، سبزیاں اور جئی کا استعمال مفید ثابت ہو سکتا ہے۔
اس کے علاوہ، روزانہ کی ورزش بھی شوگر کے مریضوں کے لیے انتہائی اہم ہے۔ ہلکی پھلکی ورزش جیسے واک، یوگا یا سائیکلنگ سے نہ صرف وزن کو کنٹرول کیا جا سکتا ہے بلکہ خون میں شکر کی سطح بھی متوازن رہتی ہے۔
تحقیق میں یہ بات بھی سامنے آئی ہے کہ شوگر کے مریضوں کو باقاعدگی سے اپنے خون میں شکر کی سطح کی مانیٹرنگ کرنی چاہیے تاکہ کسی بھی غیر معمولی تبدیلی کی صورت میں فوری طور پر علاج کیا جا سکے۔
مزید پڑھیں؛ سائنسی رپورٹ: کیا پلاسٹک کی بوتل سے پانی پینے سے بلڈ پریشر بڑھ جاتا ہے؟
ماہرین کا کہنا ہے کہ شوگر کے مریضوں کو سٹریس کم کرنے کی بھی ضرورت ہے کیونکہ ذہنی دباؤ خون میں شکر کی سطح کو بڑھا سکتا ہے۔ اس کے لیے مراقبہ، گہری سانسوں کی مشقیں اور مناسب نیند ضروری ہے۔
یہ تحقیق شوگر کے مریضوں کے لیے ایک امید کی کرن ہے اور اس سے انہیں اپنی صحت کو بہتر بنانے کے نئے طریقوں کا پتا چلے گا۔
