اسلام آباد(روشن پاکستان نیوز) ہر انسان کو اپنی ساخت میں کمی پیشی نظر آتی ہے۔ کئی نوجوان یہاں تک شوبز اداکار بھی اپنی ناک کو کو لے کر کافی فکر مند نظر آتے ہیں۔
کئی اداکار اور اداکارائیں ڈراموں میں خوبصورت نظر آںے کے لیے ناک کی سرجری کے مراحل سے گزرتے ہیں۔
بہتر سے بہترین دکھنے کا جنون صرف میڈیا کی شخصیات اور اداکاروں تک ہی نہیں پایا جاتا بلکہ اب عام لوگ بھی اپنی ناک کی ساخت کو لے کافی سنجیدہ ہیں اور اس کی بہتری کے لیے سرجری کروانے کا سوچ رہے ہیں۔
اس حوالے سے کنسلٹنٹ پلاسٹک اینڈ کاسمیٹک سرجن احمد علی نے آج نیوز کے پروگرام میں شرکت کی جس میں ان سے ناک کی سرجری سے متعلق سوال کیا۔
ڈاکٹر احمد علی نے رائینوپلاسٹی سے متعلق بتایا کہ آج کل سب سے زیادہ ہئیر ٹرانسپلاٹ سرجری کا رجحان ہے اس کے بعد باڈی کنٹرولنگ اور تیسرے نمبر پر ناک کی سرجری کے رجحان میں تیزی سے اضافہ ہو رہا ہے۔
انہوں نے ایک سوال کے جواب میں کہا کہ خواتین کی بڑی تعداد بھی ہئیر ٹرانسپلاسٹ کروا رہی ہے۔ ہم خواتین کا بھی ٹرانسپلانٹ پرفرام کر رہے ہیں۔
مزید پڑھیں: راولپنڈی میں ڈینگی آگاہی واک: صحت و صفائی کی اہمیت پر زور
لائپو سکشن (موٹاپے سے نجات کی سرجری) کے بارے میں ڈاکٹر احمد نے بتایا کہ لائپو سکشن کی مختلف اشکال ہوتی ہیں جس میں مختلف اوزار اور لیزرز کا استعمال کرتے ہیں۔ ان کا کہنا تھا کہ لائپو سکشن کروانے میں کوئی خطرہ نہیں ہوتا اور یہ بالکل محفوظ ہے جس کے بہترین نتائج دیکھنے کو ملتے ہیں۔
