راولپنڈی (کرائم رپورٹر)راولپنڈی پولیس کی منشیات فروشوں اورشراب سپلائر ز کے خلاف کاروائی ، 07ملزمان گرفتار، چرس اورشراب برآمد ،مقدمات درج ۔

تفصیلات کے مطابق صدرواہ پولیس نے ملزم فہیم سے 01کلو600گرام چرس، ملزم ثمر دین سے 01کلو500گرام چرس، پیرودھائی پولیس نے ملزم شہاب سے 01کلو300گرام چرس، واہ کینٹ پولیس نے ملزم شاہد سے 600گرام چرس، صدربیرونی پولیس نے ملزم وحید سے 560گرام چرس، صادق آباد پولیس نے ملزم مہتاب سے 20لیٹرشراب ، روات پولیس نے ملزم سلمان سے 01بوتل شراب برآمد کرکے ملزمان کے خلاف الگ الگ مقدمات درج کرلیے گئے ۔

ڈویژنل ایس پیز کا کہناتھاکہ گرفتار ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی ، منشیات کے ناسور کے خاتمہ کے لیے کریک ڈائون جاری رہے گا۔