اسلام آباد (روشن پاکستان نیوز) کورنگ ٹاؤن ایکسٹینشن میں واقع معروف کمرشل منصوبے سفاری ویو پلازہ ایچ سکس ہوٹل پر قبضے کی کوشش کو پولیس نے ناکام بنا دیا،قبضہ مافیاء کاسرغنہ یاسر ولد عبدالستار گرفتار،پلازہ کے مالک اوورسیز پاکستانی فہیم احمد ہاشمی کو ہراساں کیا گیا،تفصیلات کے مطابق کورنگ ٹاؤن ایکسٹینشن میں واقع معروف کمرشل منصوبے سفاری ویو پلازہ ایچ سکس ہوٹل پر قبضے کی کوشش کو پولیس نے ناکام بنانتے ہوئے قبضہ مافیاء کے سرغنہ یاسر ولد عبدالستار کو گرفتارکر لیا ہے،پولیس کو دی گئی درخواست میں پلازہ کے مالک اوورسیز پاکستانی فہیم احمد ہاشمی نے الزام لگایا ہے کہ ان کے سابق پارٹنر طحہ ارشد، موجودہ کرایہ دار ناصر ولد عبد الستار، اور ایک نجی اسکول کے مالک یاسر ان کی قانونی ملکیت پر غیر قانونی قبضے کی سازش کر رہے ہیں، فہیم احمد ہاشمی کے مطابق انہوں نے کورنگ ٹاؤن میں طحہ ارشد کے ساتھ شراکت داری میں پلازہ تعمیر کیا، اس عمارت میں کل تین پلاٹ شامل ہیں، جن میں سے دو پلاٹ فہیم احمد کے اور ایک پلاٹ طحہ ارشد کا تھا۔ بلڈنگ کے گریے اسٹرکچر کی تعمیر میں طحہ ارشد نے معمولی سرمایہ کاری کی، جبکہ تمام فرنشنگ اور باقی تعمیراتی اخراجات فہیم احمد ہاشمی نے خود برداشت کئے، 2008 میں طحٰہ ارشد نے پلاٹ نمبر 4 (رقبہ 18 مرلہ) فہیم احمد کو ڈھائی کروڑ روپے میں فروخت کیا۔ تاہم، 2009 میں سوسائٹی کی جانب سے پلاٹ کی کینسلیشن کا نوٹس موصول ہوا۔ طحٰہ ارشد نے یقین دہانی کرائی کہ مسئلہ حل ہو گیا ہے، اور 2013 میں فہیم احمد کو سوسائٹی کی طرف سے فزیکل پوزیشن لیٹر بھی جاری کر دیا گیا۔ تاہم، 2018 میں جب فہیم نے این ڈی سی (نو ڈیمانڈ سرٹیفکیٹ) کے لیے درخواست دی تو سوسائٹی نے دوبارہ کینسلیشن کا اعتراض اٹھا دیا۔ 2022 میں فہیم نے عدالت سے رجوع کیا، جہاں اسسٹنٹ کمشنر نے ان کے حق میں فیصلہ دیتے ہوئے سوسائٹی کو این ڈی سی جاری کرنے کا حکم دیا، لیکن تاحال اس عدالتی حکم پر عملدرآمد نہیں ہوا، صورتحال اس وقت کشیدہ ہو گئی جب ناصر ولد عبد الستار، جو پلازہ میں ہاسٹل چلا رہا ہے، نے ہاسٹل کے طلبہ کو اشتعال دلا کر فہیم کے دفتر پر حملہ کروا دیا۔ ان طلبہ میں اکثریت افغانی اور پٹھان نوجوانوں کی تھی،حملے کے دوران سامان لوٹا گیا، توڑ پھوڑ کی گئی اور دھمکیاں دی گئیں،فہیم احمد نے فوراً تھانہ لو ہی بھیر سے مدد طلب کی جس پرتھانہ لوہی بھیر کے ایس ایچ او فواد خالد، ایڈیشنل ایس ایچ او شہزاد اور متعلقہ ڈی ایس پی و ایس پی موقع پر پہنچے اور کارروائی کی اور یاسر ولد عبدالستارکو گرفتار کرلیا، کارروائی کے دوران ایس ایچ او فواد خالد زخمی بھی ہوئے، پولیس ذرائع کے مطابق معاملے کی مکمل تحقیقات جاری ہیں۔ تمام پہلوؤں کا باریک بینی سے جائزہ لیا جا رہا ہے، اور قانونی شواہد کی روشنی میں کارروائی کی جائے گی تاکہ آئندہ کسی معزز شہری کے ساتھ ایسی ناانصافی نہ ہو۔ فہیم احمد ہاشمی کا کہنا ہے کہ انہیں پاکستانی عدالتی نظام پر مکمل اعتماد ہے اور وہ انصاف کی فراہمی کے لیے پرامید ہیں، فہیم احمد نے پولیس ٹیم خاص طور پرایس ایچ او تھانہ لوہی بھیر فواد خالد کا بروقت کاروائی پر انکاشکریہ ادا کیا ہے۔