گجرات: سینئر ایڈووکیٹ ملک غلام سرور اعوان مرحوم کی چالیسواں کی تقریب میں اہم شخصیات کی شرکت
گجرات(روشن پاکستان نیوز) معروف صحافی اور ممبر نیشنل پریس کلب اسلام آباد، شہزاد انور ملک کی والدہ کے بھتیجے اور پنجاب پولیس کے اے ایس آئی ملک مبشر اقبال کے کزن، سینئر ایڈووکیٹ گجرات بار ہائی کورٹ ملک غلام سرور اعوان مرحوم کی چالیسواں کی تقریب پروقار طریقے سے ادا کی گئی۔ اس موقع پر اہل علاقہ، عزیز و اقارب، دوست احباب، سیاسی و سماجی شخصیات، اور وکلاء کی بڑی تعداد نے شرکت کی۔
ملک غلام سرور اعوان مرحوم کو ان کی پیشہ ورانہ زندگی میں بہت عزت و احترام حاصل تھا۔ وہ نہ صرف ایک سینئر وکیل تھے بلکہ ان کی شخصیت کی سادگی اور ایمانداری نے انہیں علاقہ میں ایک محبوب شخصیت بنا دیا تھا۔ مرحوم کے چاہنے والے آج بھی ان کی خدمات اور کردار کو یاد کرتے ہیں۔
چالیسواں کی اس تقریب میں شرکاء نے مرحوم کے لئے دعا کی اور ان کی خدمات کو خراجِ تحسین پیش کیا۔ تقریب کے دوران شہزاد انور ملک نے اپنے جذبات کا اظہار کرتے ہوئے کہا کہ ملک غلام سرور اعوان مرحوم کی کمی ہمیشہ محسوس کی جائے گی۔ ان کا علم اور تجربہ گجرات بار کے لئے ایک قیمتی اثاثہ تھا۔
اس موقع پر گجرات بار کے سینئر وکلاء نے بھی مرحوم کی وکالت کی خدمات اور ان کے اصولوں کو یاد کرتے ہوئے کہا کہ وہ ہمیشہ انصاف کی بات کرتے تھے اور اپنے کلائنٹس کے حقوق کی مکمل حفاظت کرتے تھے۔ تقریب میں موجود سیاسی اور سماجی شخصیات نے بھی مرحوم کے خاندان کے ساتھ ہمدردی کا اظہار کیا۔
مزید پڑھیں: ملک شبیر حسین کا چالیسواں ختم شریف گجرات میں عقیدت و احترام سے منعقد
اس تقریب میں گجرات بار کی دیگر شخصیات اور مختلف شعبوں کے افراد نے بھی شرکت کی، جنہوں نے ملک غلام سرور اعوان مرحوم کے ساتھ اپنے یادگار لمحوں کو شیئر کیا اور ان کے ساتھ گزاری گئی پیشہ ورانہ زندگی کو یاد کیا۔
