لاہور(روشن پاکستان نیوز) مسلم لیگ ن کے چیف کوآرڈینیٹر راجہ ضمیر الدین احمد نے وزیر اعلیٰ پنجاب کی جانب سے رانا محمد ارشد کو پنجاب اسمبلی کا چیف ویپ مقرر کرنے پر اپنے شکریے کا اظہار کیا۔ انہوں نے کہا کہ رانا ارشد میں وہ تمام خصوصیات موجود ہیں جو اس اہم عہدے کے لیے درکار ہیں اور وہ میاں محمد نواز شریف کے وفادار کارکن ہیں۔
راجہ ضمیر الدین احمد نے اس بات کا اعتراف کیا کہ رانا ارشد ہمیشہ پارٹی کے بیانیے کو فروغ دینے میں مصروف رہتے ہیں اور ان کی تقرری کے لیے متعلقہ اتھارٹی سے درخواست کی گئی تھی۔ انہوں نے دعا کی کہ اللہ تعالیٰ رانا ارشد کو اس عہدے کو کامیابی سے نبھانے کی توفیق دے تاکہ وہ عوام کی خدمت کر سکیں۔
مزید پڑھیں: وزیر اعلیٰ پنجاب مریم نواز کا صوبے میں ایک ہفتے کے دوران تجاوزات ختم کرنے کا ہدف
راجہ ضمیر الدین احمد نے اس موقع پر سپیکر پنجاب اسمبلی ملک احمد خان کا بھی شکریہ ادا کیا جنہوں نے رانا ارشد کی نامزدگی کے لیے خصوصی درخواست کی تھی۔
