محافل میلاد کی صدارت، پریس کلب، کراچی بار، چیمبر آف کامرس اور مزارات پر خطاب کریں گے
اسلام آباد(روشن پاکستان نیوز) جانشین دربار عالیہ رتے ہوتر شریف و سجادہ نشین دربار حضرت بری امام سرکار پیر سید حیدر علی گیلانی صاحب ہمراہ صاحبزادہ والا شان پیر سید امام علی گیلانی جمعہ کی شام 7 بجے کراچی پہنچیں گے، وہ اپنے اس دس روزہ روحانی و علمی دورے کے دوران مختلف محافل میلاد و سماع کی صدارت، بیان و دعا کریں گے۔ علاوہ ازیں پیر صاحب کراچی پریس کلب، کراچی بار ایسوسی ایشن، کراچی چیمبر آف کامرس، تاجر برادری سے بھی ملاقات اور خطاب کریں گے۔ ترجمان پیر ہاؤس بری امام سرکار سید حسنین بخاری نے بتایا ہے کہ اپنے اس دورے میں پیر صاحب کراچی و سندھ کے بڑے مزارات پر حاضری اور وہاں منعقدہ محافل سے بھی خطاب کریں گے۔ پیر صاحب جمعہ کی نماز کی امامت انشاءاللہ دربار حضرت لعل شہباز قلندر کے مزار پرانوار پر کریں گے۔ کراچی میں ملاقات کے خواہشمند پیر ہاؤس کی سوشل میڈیا ٹیم سے رابطہ کر سکتے ہیں۔
مزید پڑھیں: کراچی ،ضمنی بلدیاتی انتخابات کل، 136 پولنگ اسٹیشن انتہائی حساس قرار دیے گئے ہیں
