راولپنڈی(کرائم رپورٹر)12 ربیع الاول عید میلاد النبی صلی اللہ علیہ وآلہ وسلم کے موقع پر راولپنڈی پولیس کے سیکورٹی انتظامات،5000 سے زائد پولیس افسران و جوان سیکورٹی ڈیوٹی کے فرائض سر انجام دیں گے، ٹریفک کے موثر انتظامات کے لیے 450 سے زائد افسران فرائض سرانجام دینگے،مرکزی جلوس سمیت 108 جلوسوں کی سیکورٹی کے لئے انتظامات کئے گئے ہیں، مرکزی جلوس کے لئے 2400 سے زائد جبکہ دیگر 107جلوسوں کی سیکورٹی کے لئے 2600 سے زائد افسران فرائض سرانجام دینگے، عید میلاد النبی صلی اللہ علیہ وآلہ وسلم کے موقع پر فول پروف سیکورٹی کو یقینی بنانے کے لئے تمام وسائل بروئے کار لائے جا رہے ہیں،سی پی او سید خالد ہمدانی۔ تفصیلات کے مطابق 12 ربیع الاول عید میلاد النبی صلی اللہ علیہ وآلہ وسلم کے موقع پر راولپنڈی پولیس کے سیکورٹی انتظامات،5000 سے زائد پولیس افسران و جوان سیکورٹی ڈیوٹی کے فرائض سر انجام دیں گے، ٹریفک کے موثر انتظامات کے لیے 450 سے زائد افسران فرائض سرانجام دینگے،مرکزی جلوس سمیت 108 جلوسوں کی سیکورٹی کے لئے انتظامات کئے گئے ہیں، مرکزی جلوس کے لئے 2400 سے زائد جبکہ دیگر 107جلوسوں کی سیکورٹی کے لئے 2600 سے زائد افسران فرائض سرانجام دینگے،سی پی او سید خالد ہمدانی کا کہنا تھا کہ جلوس کے انٹری پوائنٹس پر واک تھرو گیٹس لگائے جائیں گے، جلوس کے شرکاء کو مکمل باڈی سرچ کے بعد داخلے کی اجازت ہو گی، جلوس کی سیکورٹی کیلئے چھتوں پر سنائپرز تعینات ہوں گے، جلوس کے روٹ پر گلیوں،سڑکوں اور دیگر راستوں کو سیل کیا جائے گا، تمام تھانوں کی پولیس اپنے علاقہ میں جلوسوں کی سیکورٹی اور گشت کے فرائض سرانجام دے گی، عید میلاد النبی صلی اللہ علیہ وآلہ وسلم کے موقع پر فول پروف سیکورٹی کو یقینی بنانے کے لئے تمام وسائل بروئے کار لائے جا رہے ہیں۔