اسلام آباد(روشن پاکستان نیوز) سونے کی قیمتوں میں اتار چڑھاؤ کا سلسلہ جاری ہے ، مقامی مارکیٹ میں سونے کی قیمت میں بڑا اضافہ ریکارڈ کیا گیا۔
آل پاکستان صرافہ ایسوسی ایشن کے مطابق سونے کی فی تولہ قیمت میں 2700 روپے کا اضافہ ریکارڈ کیا گیا جس کے بعد فی تولہ سونا 4 لاکھ ، 53 ،ہزار 562 روپے کا ہو گیا۔
اسی طرح 10 گرام سونا 2 ہزار 315 روپے مہنگا ہو گیا جس کے بعد نئی قیمت 3 لاکھ ، 88 ہزار856روپے ہو گئی۔
مزید پڑھیں: اسٹاک مارکیٹ میں استحکام برقرار ، ڈالر کی قیمت میں بڑی کمی
دوسری جانب عالمی بازار میں سونے کا بھاؤ میں 27 ڈالر کا اضافہ ہوا جس کے بعد فی اونس سونا 4312 ڈالر میں فروخت ہو رہا ہے۔
واضح رہے گزشتہ روز عالمی اور مقامی مارکیٹ میں سونے کی قیمت میں کمی ریکارڈ کی گئی تھی۔
