اسلام آباد(روشن پاکستان نیوز) سونے کی قیمت میں دوسرے دن بھی بڑا اضافہ ہو گیا ہے۔

دو دن میں سونے کے فی تولہ نرخ میں 10 ہزار روپے کا اضافہ ہوا ہے۔

آج سونے کے نرخ میں 2300 روپے کا اضافہ ہوا جس کے بعد نئی فی تولہ قیمت 4 لاکھ 38 ہزار 862 روپے ہو گئی ہے۔

دس گرام سونے کے نرخ میں 1972 روپے کا اضافہ ہونے سے نئے نرخ 3 لاکھ 76 ہزار 253 روپے ہو گئے ہیں۔

مزید پڑھیں: سونا تلاش کرنے والے افراد ریت تلے دب کر جاں بحق

عالمی مارکیٹ میں سونے کے نرخ میں 23 ڈالر کا اضافہ ہونے سے فی اونس قیمت 4165 ڈالر ہو گئی ہے۔

چاندی کی فی تولہ قیمت میں بھی 60 روپے کا اضافہ ہوا ہے جس کے بعد نئی قیمت 5482 روپے ہو گئی ہے۔