اسلام آباد(روشن پاکستان نیوز) پاکستان اسٹاک ایکسچینج میں استحکام برقرار ، انڈیکس نے ایک بار پھر ایک لاکھ ، 67 ہزار کی حد کو چھو لیا ، تبادلہ مارکیٹ میں ڈالر کے مقابلے میں روپے کی قدر بھی بہتر ہو گئی ہے۔

کاروباری ہفتے کے دوسرے روز بھی اسٹاک ایکسچینج میں زبردست تیزی دیکھی گئی ، کاروبار کے آغاز پر 100 انڈیکس میں 1460 پوائنٹس کا اضافہ ہوا جس سے انڈیکس ایک لاکھ 67 ہزار703 پوائنٹس کی سطح پر پہنچ گیا۔

مزید پڑھیں: واٹس ایپ نے صارفین اور کاروباری اداروں کے غیر جوابی پیغامات کی حد مقرر کر دی

گزشتہ روز بھی اسٹاک مارکیٹ میں کاروبار کا مثبت رجحان رہا تھا جس سے انڈیکس نے ایک لاکھ ، 66 ہزار کی حد عبور کر لی تھی۔

دوسری جانب انٹر بینک میں ڈالر کی قیمت میں کمی ہو گئی ہے ، ایکسچینج کمپنیز ایسوسی ایشن کے مطابق 7 پیسے کی کمی سے انٹر بینک میں ڈالر 281 روپے کا ہو گیا۔