اسلام آباد(روشن پاکستان نیوز) جمعرات کو کاروبار کے آغاز کیساتھ ہی پاکستان اسٹاک ایکسچینج نے زبردست تیزی دکھائی جب کے ایس ای-100 انڈیکس 1,000 پوائنٹس سے زائد بڑھ کر 166,704 پوائنٹس تک پہنچ گیا۔

تجزیہ کاروں کے مطابق اس مثبت رجحان کی بڑی وجہ آئی ایم ایف اور پاکستان کے درمیان 1.2 ارب ڈالر کے اسٹاف لیول معاہدے کی خبر ہے۔

بینکنگ، سیمنٹ، آئل اینڈ گیس، اور توانائی کے شعبوں میں بھرپور سرمایہ کاری دیکھی گئی، جبکہ عالمی مارکیٹوں میں بھی ایشیائی اسٹاکس میں بہتری نظر آئی۔

ڈالر گر گیا 

دوسری جانب جمعرات کو انٹربینک میں ڈالر کی قیمت میں معمولی کمی دیکھنے میں آئی۔

مزید پڑھیں: رفتار ٹیم پر “ایف آئی آر” درج، صحافیوں کو ہراساں کرنا قابلِ مذمت ہے، پاکستان میڈیا کونسل

ایکسچینج کمپنیز ایسوسی ایشن کے مطابق پاکستانی روپے کے مقابلے میں امریکی ڈالر کی قیمت میں 7 پیسے کی کمی ریکارڈ کی گئی ہے۔

تازہ قیمتوں کے مطابق انٹربینک مارکیٹ میں ڈالر کی نئی قیمت 281 روپے 5 پیسے ہو گئی ہے۔

کرنسی مارکیٹ کے تجزیہ کاروں کے مطابق یہ معمولی کمی روپے کی قدر میں کچھ بہتری کا اشارہ ہے، تاہم بیرونی قرضوں کی ادائیگی اور درآمدات کے دباؤ کے باعث مستقبل میں اتار چڑھاؤ کا امکان برقرار ہے۔