اسلام آباد(روشن پاکستان نیوز) ٹویوٹا کرولا کراس کی قیمت میں اضافے کے بعد 6 لاکھ روپے سے زائد کی خصوصی رعایت دینے کا اعلان کر دیا گیا۔
ٹویوٹا سوسائٹی موٹرز نے ٹویوٹا کرولا کراس کی تمام ویریئنٹس پر 6 لاکھ 14 ہزار روپے تک کی خصوصی رعایت کا اعلان کر دیا ہے۔ جس کا مقصد مارکیٹ میں اس مقبول SUVکی فروخت کو بڑھانا ہے۔
اس سے قبل ٹویوٹا نے خاموشی سے اپنے تمام گاڑیوں کی قیمت میں بیس ہزار سے زائد اضافہ کر دیا تھا۔ اب کرولا کراس کے تمام ماڈل کی قیمت میں کمی کر دی گئی ہے۔
کرولا کراس پاکستان میں ٹویوٹا کی ایک مقبول کمپیکٹ SUV ہے، جو ہائیبرڈ گاڑی ہے اور کارکردگی، ایندھن کی بچت اور آرام دہ ڈرائیونگ کا بہترین امتزاج پیش کرتی ہے۔
مزید پڑھیں: سرکاری گاڑی جلانے کا کیس ، شاہ محمود قریشی بری ، یاسمین راشد ، اعجاز چوہدری ، و دیگر کو 10 ، 10 سال قید
اس کے انجن آپشنز میں 1.8 لیٹر ہائبرڈ (HEV)، 1.8 لیٹر پیٹرول (GAS) شامل ہے، کم فیول میں شہر میں چلانے کے لیے بہترین گاڑی ہے۔اس میں ایئر بیگز، ABS، وہیکل اسٹیبلیٹی کنٹرول (VSC)، اور ہِل اسٹارٹ اسسٹ شامل ہیں۔
کرولا کراس 1.8L HEVX کی قیمت میں پانچ لاکھ 14 ہزار کی کمی ہوئی ہے جس کے بعد نئی قیمت 8955000 ہو گئی ہے، اس طرح کرولا کراس 1.8L HEV کی قیمت میں 4 لاکھ 64 ہزار کی کمی ہوئی ہے اور قیمت 9019000 سے 8555000 کی سطح پر آ گئی ہے۔
کرولا کراس 1.8L GASX کی قیمت میں 5 لاکھ 64 ہزار کی رعایت دی گئی ہے، ا س طرح نئی قیمت 7955000 ہو گئی ہے، کرولا کراس 1.8L GAS کی قیمت میں 6 لاکھ 14 ہزار کی کمی کی گئی ہے جس کے بعد نئی قیمت 7255000 ہو گئی ہے۔
