اسلام آباد(روشن پاکستان نیوز) تجزیہ کاروں نے پیشگوئی کی ہے کہ سال 2026کے آخر تک خام تیل کی قیمتیں کم ہو کر 50ڈالر فی بیرل تک پہنچ جائیں گی۔

رپورٹ کے مطابق سال 2026کے آخرتک خام تیل کی فراہمی میں یومیہ اٹھارہ لاکھ بیرل اضافہ ہوگا۔یہ پیش گوئی خام تیل کی منڈی کے لیے بین الاقوامی توانائی ایجنسی کے اندازوں کے مطابق ہے۔

آئی ای اے نے تیل کی فراہمی میں21 لاکھ بیرل یومیہ اضافے کا تخمینہ لگایا ہے، جو یومیہ 7 لاکھ بیرل یومیہ کی طلب سے کافی زیادہ ہے۔

اس طرح 14 لاکھ بیرل خام تیل اضافی دستیاب ہوگا، فی الحال بین الاقوامی منڈی میں لندن برینٹ کروڈ کی قیمت 67 ڈالر 32 سینٹس جبکہ امریکی خام تیل کا بھاؤ 63 ڈالر 32 سینٹس فی بیرل ہے۔

مزیدپڑھیں:پنجاب پولیس کا خیبرپختونخوا کے مسافروں سے سوتیلی ماں جیسا سلوک، مسافر سے پیسے بٹورنے کے لیے چرس کا جھوٹا الزام لگا کر گرفتار