اسلام آباد(روشن پاکستان نیوز) زرمبادلہ کے سرکاری ذخائر میں گزشتہ ہفتے کے دوران 54 کروڑ ڈالرز کی کمی ہوئی ہے ۔

سٹیٹ بینک کے مطابق زرمبادلہ کے سرکاری ذخائر 10 ارب 60 کروڑ 68 لاکھ ڈالر کی سطح پر آگئے جبکہ کمرشل بینکوں کے پاس 4 ارب 94 کروڑ 42 لاکھ ڈالر کے ذخائر موجود ہیں۔

دوسری جانب سٹیٹ بینک نے ٹریژری بلوں کی نیلامی سے 640 ارب روپے حاصل کر لئے ہیں۔

سٹیٹ بینک کی جانب سے نیلامی کے لئے 650 ارب روپے حاصل کرنے کاہدف مقرر کیاگیاتھا ۔ سٹیٹ بینک کو مجموعی طورپر 1085 ارب روپے کی بولیاں وصول ہوئی تھیں۔ بلوں پر منافع کی شرح میں 34 بیسسز پوائنٹس کا اضافہ ہوا ہے۔

مزید پڑھیں: اسٹاک ایکسچینج میں زبردست تیزی ، ڈالر کی قیمت بھی گر گئی

1 ماہ ، تین ماہ ، چھ ماہ اور 12 ماہ کے ٹریژری بلوں پر منافع کی شرح بالترتیب 12.38 فیصد، 12.01 فیصد، 11.99 فیصد اور 12.01 فیصد مقرر کی گئی ہے۔