اسلام آباد(روشن پاکستان نیوز) ٹریڈ یونین ایف ٹین مرکز کے انتخابات میں تاجر اتحاد گروپ نے میدان مار لیا،عا طف جمیل بٹ صدر منتخب ہو گئے ہیں، مرکزی تنظیم تاجران پاکستان کے صدر کاشف چوہدری اور سابق صدر اسلام آباد چیمبر آف کامرس اینڈ انڈسٹری احسن ظفر بختاوری نےنو منتخب عہدیداروں سے حلف لیا،منتخب ہونے والے دیگر عہدیداروں میں ارشد محمود عباسی چیئرمین،ملک محمد اشرف شریک چیئرمین،گروپ لیڈر اقبال بٹ، سرپرست اعلیٰ ڈاکٹر محمد ارشد،رانا خالد علی خاں جنرل سیکرٹری،اجود بٹ اورلیاقت بٹ شامل ہیں،اس موقع پر نومنتخب صدر عاطف جمیل بٹ نے ایف ٹین مرکز کے تاجروں کا شکریہ ادا کرتے ہوئے کہا کہ انہوں نے جس اعتماد کا اظہار کیا ہے اس پر پورا اترنے کی کوشش کروں گا اور انکے تمام مسائل کو حل کرؤانگا،قبل ازیںمرکزی تنظیم تاجران پاکستان کے صدر کاشف چوہدری اور سابق صدر اسلام آباد چیمبر آف کامرس اینڈ انڈسٹری احسن ظفر بختاوری نےنومنتخب قیادت کو مبارکباد دیتے ہوئے کہا کہ انکے کندھوں پر اب بھاری ذمہ داری آ گئی ہے،جس سے عہدہ برا ہونے کیلئے انہیں سخت محنت اور لگن سے کام کرنا ہوگا۔
مزید پڑھیں: نوجوانوں نے عمران خان کو نکالنے کا تہیہ کر لیا ، حکومت کوئی حماقت نہ کرے ، بیرسٹر سیف
