اسلام آباد(روشن پاکستان نیوز) ہنڈا سی ڈی 70اپنی فیول ایوریج کے باعث ہمیشہ سے صارفین کی پہلی ترجیح رہی ہے، تاہم اب عام آدمی کی اس سواری کی قیمت بھی آسمان کو چھو رہی ہے۔ ڈیلی پاکستان گلوبل کے مطابق ہنڈا سی ڈی 70سی سی کی قیمت جون 2024ء میں ایک لاکھ 57ہزار 900روپے ہے۔

یہ موٹرسائیکل ایک اور ماڈل ’سی ڈی 70ڈریم‘ میں بھی آتی ہے، جس کی قیمت اس وقت ایک لاکھ 68ہزار 900روپے ہے۔ رپورٹ کے مطابق یہ موٹرسائیکل اوسطاً50سے 60کلومیٹر فی لیٹر کی فیول ایوریج دیتی ہے، جس کی وجہ سے شہری اسے پسند کرتے ہیں۔ اس کے علاوہ اس کی مینٹی نینس کا خرچ بھی نہ ہونے کے برابر ہے۔ یہ موٹرسائیکل تین رنگوں میں آتی ہے، جن میں سیاہ، سرخ اور نیلا شامل ہیں۔

مزید پڑھیں: ہنڈا کا الیکٹرک گاڑیوں میں بھاری سرمایہ کاری کرنے کا اعلان