انقرہ(این این آئی)ترکی میں صرف ایک دن میں سات خواتین کو ان کے موجودہ یا سابق شوہروں نے قتل کردیا۔ترک سرکاری ٹی وی نے بتایا کہ قتل کی وارداتیں امیر، برسا، سکاریہ، ارزوروم، دینزلی اور استنبول میں ہوئیں۔2021 میں خواتین پر تشدد کی روک تھام سے متعلق یورپی کانسل سے ترکی کے نکل جانے کے بعد خواتین پر تشدد اور قتل کے واقعات میں اضافہ ہوا ہے۔ترکی کے سرکاری ٹی وی نے قتل ہونے والی تمام خواتین کے نام ان کی تصویروں کے ساتھ اپنی ویب سائٹ پر اپ لوڈ کیے ہیں۔ قتل کی جانے والی خواتین کی عمریں 32 سے 49 سال کے درمیان تھیں۔تین قاتلوں نے اپنے آپ کو بھی ختم کرلیا۔ 2 کو گرفتار کرلیا گیا اور ایک شخص حراست میں لیے جانے کے دوران زخمی ہوا اور بعد میں انتقال کرگیا۔ساتواں قاتل بیوی کو قتل کرنے کے لیے جیل سے بھاگا تھا اور اب تک گرفتار نہیں کیا جاسکا۔
